Galmudug oo dalbatay in Cadaalada la horgeeyo Askarigii ka dambeeyay Dilkii Xildhibaan ka tirsan Galmudug.

Xildhibaan Axned Yuusuf Ciyow oo ka tirsan Baarlamaanka Galmudug oo wareysi siiyay Idaacadda Kulmiye ayaa dalbaday in Dowladda Soomaaliya ay cadaalada hor geyso Askarigii ka dambeeyay dilka Xildhibaan Maxamed Cabdi Guuleed oo ka tirsanaa Baarlamaanka Galmudug.

Marxuumka oo shalay lagu dilay Muqdisho ayaa dikiisa loo xiray Askari Ilaalo u ahaa Xildhibaan Maxamuud Abuukaate oo ka tirsan Golaha Shacabka waxa uuna dilkaan yimid ka dib markii Gaariga Marxuumka watay uu ku soo dhawaaday Gaariga Xildhibaan Abuukaate,

Xildhibaan Ciyow ayaa sheegay in loo baahan yahay in loo Cadaalad falo Marxuumka dhintay lagana sugayo Dowladda Soomaaliya fulinta arintaas.

Dhinaca Kale Xildhibaan Abuukaate ayaa Idaacadda Kulmiye u sheegay in CID-da Soomaaliya uu ku wareejiyay Askarigii dilka ka geestay iyo Qorigiisa.

“Marxuumka dhintay ka hor inta aan la toogan iIaaladu waxay ku amreyn in uu ka fogaado Gaariga aan saarnaa waana kana dhaga adeegay kadibna uu gadaal ayuu Gaarigayga kaga dhuftay Gaarigiisa markaas ayay toogashadu dhacday” ayuu yiri Xildhibaan Abuukaate.

Xildhibaanada Galmudug ayaa dhankooda sheegay in Shilka Gaariga uu yimid ka dib markii ay rasaasta heleeshay Marxuumka ee uu xakameyn waayay Gaariga.

Waxaa jira kulamo u dhaxeeya Xildhibaanada Golaha Shacabka ku matala marxuumka dhintay iyo Xildhibaan Abuukaate oo ay ilaaladiisa dilkaan Fuliyeen.

 
ppp (adsbygoogle = window.adsbygoogle || []).push({});