Hordhac: Real Madrid vs Barcelona – El-Clasico – Ganaaxa CR7, Maqnaashaha Iniesta & Macluumaad Ku Saabsan Kulanka Lugta Labaad.

Real Madrid ayaa caawa soo dhaweyneysa Barcelona kulanka lugta labaad final-ka koobka Supercopa de Espana iyadoo ku horkaceysa ciyaarta 3-1 oo ah natiijadii ay kala soo laabatay gobolka Catalan sadex maalmood ka hor.

Cristiano Ronaldo & Marco Asensio ayaa dhaliyay labada gool ee lagu quusiyay Balaugrana xilli Gerard Pique uu gool shabaqiisa ku leexiyay ka hor inta uusan Messi barbaro keenin.

Kulanka El-Clasico ayaa si weyn loo wada sugayaa caawa – Santiago Bernabeu ayaana la filayaa in midkood Barcelona & Madrid ay ku dabaal dagto.

WARBIXINTA KULANKA:

Kulanka: Real Madrid vs Barcelona

Tartanka: Supercopa de Espana (Lugta Labaad)

Garoonka: Santiago Bernabeu

Saacadda: 12:00 Saqda dhexe (XGA)

Garsoore: Jose Sanchez (Spain)

MAXAA KA CUSUB LABADA KOOXOOD?

Real Madrid waxey ku faraxsan tahay iney soo dhaweyso kabtanka qaranka Croatia Luka Modric kaas oo ganaax ku seegay lugtii hore ee Camp Nou, waxaana la filayaa inuu kusoo bilowdo, balse waxey aad kaga xun yahin maqnaashaha Ronaldo.

Dhanka kale Barcelona waxaa ka maqnaan doona Andreas Iniesta kaas oo xanuun bowdada ah kaga maqnaanaya kulankaan – ma jiro xidig kale oo dhibaato qaba.

XAQIIQOOYINKA KULANKA:

 

Kadib casaankii Ronaldo, xidigaha Madrid ayaa casaan helayay afar ka mid ah shantii kulan ee ugu dambeysay tartamada rasmiga ah kulanka El-Clasico.

 

Barcelona ayaa guul gaartay sadex ka mid ah afartii kulan ee ay martida ku noqotay Santiago Bernabeu. waxey ku dhaliyeen 12-gool, waxaana looga dhaliyay 8. Messi ayaa ka qeyb qaatay shan kamid ah goolashaas.

SHAXDA MACQUULKA AH:

Real Madrid:

Navas; Carvajal, Varane, Ramos, Marcelo; Casemiro, Kroos, Modric, Isco; Benzema, Bale

Barcelona:

Ter Stegen; Semedo, Pique, Umtiti, Alba, Busquets, Rakitic, Sergi, Denis Suarez, Luis Suarez, Messi

 
ppp (adsbygoogle = window.adsbygoogle || []).push({});