BBC VS BBC- Walxo Aan La Dhaqaajin Karin & Walxo Aan La Joojin Karin Iyo Finalka Cardiff Ee UEFA Champions Leaque.

Caawa waxaa magaalada Cardiff ee dalka Wales iskaga hor imanaya kooxda xili ciyaareedkan tartamada Yurub ugu difaaca fiicnayd ee Juventus iyo Real Madrid oo aan 64 kulan laga soo ceshan shabaqa koox ay ka hor timid. Real Madrid ayaa xili ciyaareedkan ku dhamaysan karta in ay kulan kasta goolal ka soo dhalisay haddii ay awoodo in ay Juventus hal gool ka dhaliso.

Sidoo kale Real Madrid ayaa u baahan in ay dhaliso hal gool oo kaliya si ay u noqoto kooxdii abid ugu horaysay ee 500 gool ka soo dhalisay Champions Leaque-ga waxayna haddaba leedahay 499 gool. Laakiin sheekada xiisaha badan ayaa ah in Real Madrid ay wadato saddexda gool dhaliye ee BBC halka Juventus ay kooxdeeda ka mid yihiin saddexda difaac ee BBC.

Bonucci-Barzaghli iyo Chiellini ayaa  ayaa wajihi kara Benzema-Bale iyo Cristiano waxayna lixdan xidig saamayn wayn ku yeelan karaan kulanka finalka Champions Leaque-ga iyada oo ay taas cadayn u tahay xogta lixdan ciyaartoy ee ay ku soo lahaayeen xili ciyaareedkan labadan kooxood.

Leonardo Bonucci, Andrea Barzagli iyo Giorgio Chiellini ayaa xili ciyaareedkan soo awooday in ay 9 kulan oo Champions Leaque-ga ah ay garoonka ka baxaan iyaga oo aan hal gool laga dhali, mana jiraan saddex difaac oo BBC-da Juventus ku gaadhaya in ay kulamo intan leeg garoonka kala baxaan shabaqa nadiif ah ee kulamadii Champions Leaque, waxaana laga soo dhaliyay kaliya saddex gool.

Dhinaca kale Karim Benzema, Gareth Bale, Cristiano Ronaldo  iyo kooxdooda Real Madrid ayaa dhinacooda soo dhaliyay 32 gool waxayna markale door wayn ku yeelan karaan in Real Madrid ay markii labaad oo xidhiidh ah ku guulaysan karto koobka Champions Leaque-ga.

Leonardo Bonucci, Andrea Barzagli iyo Giorgio Chiellini ayaa lagu tilmaamay walxo aan booskooda laga dhaqaajin karin halka Karim Benzema, Gareth Bale iyo Cristiano Ronaldo iyagana lagu sifeeyay walxo aan la joojin karin balse waxaa la eegi doonaa midka ay guushu raaci doonto.

 
ppp (adsbygoogle = window.adsbygoogle || []).push({});