Ma Ogtahay In Real Madrid Ay Champions Leaque-ga Ku Soo Guulaystay Isla Maalintan June 3, Mase Ogtahay In Ay Isla Atletico Madrid Ku Soo Dhaaftay Semi Finalka?

Taariikhdu wax badan ma qabato marka garoonka la soo galo laakiin waxay keentaa kalsooni iyo xusuus fiican, waana waxa uu Zinedine Zidane dhiiro galinta uga dhigay xidigaha kooxdiisa. Laakiin waxaanu idiin haynaa qormo xiiso badan oo muujinaysa taariikh la mid ah tan aynu caawa sugayno inay dhici karo.

Xaqiiqdii waxa uu Zinedine Zidine ku riyoonayo in uu gaadho June 3, 2017 waxaa soo gaadhay tababarihii Real Madrid ee Luis Carniglia kaas oo isla June 3,1959 kii awooday in uu difaacday koobka kooxaha Yurub ee hadda loo yaqaan UEFA Champions Leaque markaas oo ay 2:0 Real Madrid ugu awood sheegatay kooxda Reims iyada oo ku hor ciyaaraysay 72,000 kun oo taageer ah oo ka soo qayb galay kulankii finalkii Stuttgart.

Laakiin waxa aanad rumaysan karin ayaa ah in marka laga yimaado maalinta isku midka ah ee June 3, in haddana Real Madrid ay isla sanadkii 1959 kii ay afar dhaamadka ku soo dhaaftay kooxda ay isku magaalada yihiin ee Atletico Madrid sidii ay haddaba soo samaysay, waxaana u dhexaysa labadan waqti 58 sanadood.

Waxaa Real Madrid kulankaas goolkii abid ugu deg dega badnaa tartanka kooxaha Yurub u dhaliyay Enrique Mateos halka halyaygii  Alfredo di Stefano uu goolka kala raacsaday waqti yar kadib xiligii nasashada. Real Madrid ayaa kulankaas sida wayn u ugu eeg kulankan Cardiff waxay ku ciyaaraysay shaxda 3-4-2-1.

Laakiin waxaa la sugayaa haddii uu Zinedine awoodi doono in uu gaadhi karo heerkii Luis Carniglia ee uu koobka tartanka kooxaha Yurub ku difaacday June 3, 1959 kii kadib markii uu sida xili ciyaareedkan Atletico Madrid ku soo dhaafay afar dhamaadka tartankan.

 
ppp (adsbygoogle = window.adsbygoogle || []).push({});